O Sun Anjani Ke Lala
O sun Anjani ke lala,
mujhe tera ek sahaara.
Mujhe apani sharan mein le lo,
main baalak hoon dukhiyaara.
Maathe par tilak bishaala,
kaano mein sundar baala.
Thaare gale Ram ki maala,
o laal langote vaala.
Thaara roop jagat se nyaara,
lagata hai sabako pyaara.
O sun Anjani ke lala….
Prabhu saalaasar ke maanhi,
thaaro mandir hai ati bhaari.
Nit door – door se aave,
thaara darshan ko nar naari.
Jo laaye ghrt sindoora,
pa jaaye vo phal poora.
O sun Anjani ke lala….
Sita ka haran hua to,
Shri Ram par vipada aai.
Tum ja pahunche gadh lanka,
maata ki khabar lagai.
Baanar milakar sab tere,
kare naam ki jay – jayakaara.
O sun Anjani ke lala….
Jab shakti baan laga to,
Laxman ko murchha aai.
Baanar sena ghabarai,
roye Ramachandra raghurai.
Tum laay sanjivan boonti,
Laxman ke praan ubaara.
O sun Anjani ke lala….
Prabhu bich bhanvar ke maanhi,
meri naav hilora khaati.
Nahin hota tera sahaara,
to doob kabhi ki jaati.
Ab de do ise kinaara,
tum ban-kar khevanahaara.
O sun Anjani ke lala….
Prabhu taare bhakt anekon,
chaahe nar ho ya naari.
Ab bolo pavan kumaara,
kab aayegi meri baari.
Baba mai bhi bhakt hoon tera,
bas chaahoon tera sahaara.
O Sun Anjani Ke Lala
Hanuman Bhajan
- Duniya Chale Na Shri Ram Ke Bina
- Aaj Mangalwar Hai, Mahaveer Ka Vaar Hai
- Hanuman Chalisa - Jai Hanuman Gyan Gun Sagar
- Mangal Murati Ram Dulare
- Hanuman Aarti - Aarti Kije Hanuman Lala Ki
- Aana Pawan Kumar Hamare Hari Kirtan Mein
- Aa Laut Ke Aaja Hanuman (3 Versions)
- Shri Ram Janki Baithe Hai Mere Seene Mein
- Aagya Nahi Hai Maa Mujhe Kisi Aur Kaam Ki
- Hey Dukh Bhanjan Maruti Nandan
- Hanuman Ashtak - Sankat Mochan Naam Tiharo
- Jinke Man Me Base Shri Ramji
- Duniya Ke Malik Ko Bhagwan Kehte Hai