बता मेरे यार सुदामा रे - भाई घणे दीना में आया


बता मेरे यार सुदामा रे – भाई घणे दीना में आया

बता मेरे यार सुदामा रे, भाई घणे दीना में आया॥


बालक था रे जब आया करता,
रोज खेल के जाया करता।
हुई के तकरार सुदामा रे,
भाई घणे दीना में आया॥
बता मेरे यार सुदामा रे….


म्हणे सुणा दे कुटुंब कहाणी,
क्यों कर पड़ गई ठोकर खाणी।
टोटे की मार सुदामा रे,
भाई घणे दीना में आया॥
बता मेरे यार सूदामा रे….


सब बच्चो का हाल सुणा दे,
मिसरानी की बात बता दे।
रे क्यों गया हार सुदामा रे,
भाई घणे दीना में आया,
बता मेरे यार सूदामा रे….


चहिये था रे तने पहल मे आणा,
इतना दुःख नही पड़ता ठाणा (उठाणा)।
क्यों भुला प्यार सुदामा रे,
भाई घणे दीना में आया॥
बता मेरे यार सूदामा रे….


इब भी आ गया ठीक बखत पे,
आजा बैठ जा मेरे तखत पे।
ओ जिगरी यार सुदामा रे,
भाई घणे दीना में आया॥
बता मेरे यार सुदामा रे….


आजा भगत छाती के लालयू,
इब बता तने कणे बिठालयू
करूँ साहूकार सुदामा रे,
भाई घणे दीना में आया॥
बता मेरे यार सुदामा रे….


बता मेरे यार सुदामा रे, भाई घणे दीना में आया॥
बता मेरे यार सुदामा रे, भाई घणे दीना में आया॥

Bata Mere Yaar Sudama Re

Vidhi Deshwal


Krishna Bhajan