Beta Jo Bulaye, Maa Ko Ana Chahiye – Lyrics in English


Beta Jo Bulaye, Maa Ko Ana Chahiye

Maiya ji ke charno mein thikana chahiye
Beta jo bulaye, Maa ko ana chahiye

Maiya ji ke charno mein thikana chahiye
Beta jo bulaye, Maa ko aana chahiye


Sun lo ai Maa ke pyaro,
tum prem se pukaro
aayegi Sherawali,
Jagdambe Meharawali

Wo der na karegi,
jholi sada bharegi
Poori karegi aasha,
mit jaayegi niraasha

Bigade kaam sanvaare,
bhav se vo sab ko taare

Shraddha aur prem se dhyaana chaahiye
Beta jo bulaye, Maa ko aana chahiye

Maiya ji ke charno mein thikana chahiye
Beta jo bulaye, Maa ko aana chahiye


Vinti suno hamaari,
aye maiya ai kanvaari
Tere dar pe hai savaali,
jaana nahi hai khaali

Baithe hai dera daale,
tere bhakt bhole bhaale
Tere naam ke deewane,
aaye hai ja lutaane

Maiya didaar de do,
bachcho ko pyaar de do

Hire motiyon ka na khajaana chaahiye
Beta jo bulaye, Maa ko ana chahiye

Maiya ji ke charno mein thikana chahiye
Beta jo bulaye, Maa ko ana chahiye


Akabar ne aajamaaya,
Dhyanu ne tha bulaaya
He Rajarani aao,
Ambe Bhawani aao

Jaye na laaj meri,
sun lo aavaaj meri
Darbaar dekhata hai,
sansaar dekhata hai

Ghode ka sir kata hai,
mera bhi sir jhuka hai

Garoor abhimaani ka mitaana chaahie
Beta jo bulaye, Maa ko ana chahiye

Maiya ji ke charno mein thikana chahiye
Beta jo bulaye, Maa ko ana chahiye


Trilok chandra raja,
tha bhakt vo bhi Maa ka
jo bandagi bichhayi
sang khele Mahamai

Dekha jo boond paani,
kahane laga Bhawani
Paani kahaan se aaya,
kaisi rachai maaya

Kaisa yah maajara hai,
mera to dil dara hai
Maa isaka raaz kholo,
ab kuchh to muh se bolo

Kahane lagi Bhawani,
ai moodh agyaani
Mujh ko na aajamao,
paani ko bhool jao
Jidd na karo ai raja,
kuchh to daro ai raaja

Bola vo abhimaani,
mainne bhi man me thaani
Ke raaz jaan loonga,
har baat Maa loonga

Tab maiya boli,
raaja na bhool jaana vaada
Sach sach to mai kahoongi,
phir paas na rahoongi

Saagar me dole naiya,
mera bhakt bole maiya
Har dum tujhe dhyaau,
phir bhi mai doob jaau

Kashti bachao mata,
shraddha dikhao maata
Mai uski bhi to Maa thi,
yahaan bhi thi vahaan bhi

Chanchal soona kahaani,
gaayab hui Bhawani
pachta raha tha raaja,
chilla raha tha raaja

Shakti ko na kabhi aajamaana chaahiye
Beta jo bulaye, Maa ko ana chahiye

Maiya jee ke charno mein thikana chahiye
Beta jo bulaye, Maa ko aana chahiye


Beta Jo Bulaye, Maa Ko Ana Chahiye

Narendra Chanchal


Durga Bhajan